طريقة عمل الكبسة السعودي

طريقة عمل الكبسة السعودي

الكبسة السعودي من الاكلات اللذيذة التي يحبها الكبار والصغار وهي من أشهر الاطباق الأساسية لدول الخليج خاصة السعودية

مقادير ومكونات الكبسة السعودي :

كيلو لحمة .

1/2 كيلو رز بسمتي .

2 ليمون مجفف .

2 ملعقة كبيرة صلصة طماطم .

بصلة كبيرة .

جزر مبشور .

بصل أخضر .

حبهان .

بهارات كبسة .

كركم .

ملح (حسب الرغبة) .

فلفل اسود (حسب الرغبة ).

زيت ذرة.

التحضير :

هنقطع البصل قطع صغيرة أومتوسطة ونقطع اللحمة قطع متوسط ونبشر الجزر ونقطع البصل الأخضر قطع صغيرة .

طريقة عمل الكبسة السعودي :

أول حاجة هنجيب إناء ونحط فيه الزيت ونحطه علي النار (نار متوسطة) ونحط معاه البصل (المقطع قطع متوسطة) ونقلبه لحد مالونه يصفر و بعد كده هنحط اللحمة (بعد مانقطعها قطع متوسطة علشان تستوي أسرع) ونقلب كويس لمدة 5 دقايق تقريباً أو لحد ماتاخد لون بعد كده هنحط الصلصة علي اللحمة ونقلب وبعد كده هنحط الجزر المبشور والبصل الاخضر ونقلب كويس ونحط الليمون الجاف ونحط البهارات وفي الاخر هنحط ماء ونغطي الاناء ونسيب اللحمة علشان تستوي وبعد ما اللحمة تستوي هننزل عليها بالرز ونحط الملح والفلفل الأسود ونقلب (طبعاً بلاش نقلب كتير علشان كده الرز هيبوش ) ونغطي الرز بالماء ونغطي الاناء ونسيب الرز يستوي مع اللحمة ولما الرز يتشرب نهدي النار وبعد ما الرز يستوي مع اللحمة نشيله من علي النار وعلي طول نكشف الغطاء من علي الاناء علشان الرز ما يعجنش بعد كده هنحط الكبسة في طبق التقديم طبعاً هنحط الرز الأول ونحط فوقه اللحمة وبكده نكون عملنا ألذ طبق كبسة سعودي .هنقدم إيه مع الكبسة السعودي ؟ ممكن نقدم مع الكبسة السعودي كأطباق جانبية سمبوسة والحشو لحمة مفرومة ومعاهم بطاطس شيبسي

وطبعاً بنقدم مع الكبسة السعودي صلصة الدقوس

مكونات ومقادير صلصة الدقوس :

2 حبة طماطم كبيرة

2 فص توم

1 ملعقة نعناع مفروم

2 ملعقة زيت زيتون

1 ملعقة خل

عصير ليمونة

1 فلفل حار (حسب الرغبة)

ملح (حسب الرغبة)

طريقة عمل صلصة الدقوس :

هنخلط كل المكونات مع بعضها في الخلاط خلط جيد بعد كده هنحطها في التلاجة لوقت الاستعمال بالهنا والشفا