طريقة عمل دجاج كنتاكي (فرايد تشيكن) بالخلطة السرية

                 طريقة عمل دجاج كنتاكي (فرايد تشيكن) بالخلطة السرية

هذا الطبق هو واحد من الوصفات الأكثر طلبا. ويتميز بالطعم اللذيذ و هو مقرمش من الخارج و طري ورطب من الداخل . يللا بينا ندخل في التفاصيل .

وقت التحضير:10 دقائق .

مدة الطهي : من 25 إلي 30 دقيقة .

مكونات الطبق :

دجاجة مقطعة 8 قطع .

2 كوب دقيق ( طحين ) .

1/4 كوب كورن فلور ( نشا ذرة ).

3/4 كوب كورن فليكس .

1/2 ملعقة صغيرة مسحوق خبز ( بيكينج بودر ) .

ملعقة صغيرة توم بودر .

ملعقة صغيرة بصل بودر .

ملعقة صغيرة زعتر مجفف .

ملعقة صغيرة بابريكا .

ملعقة صغيرة فلفل اسود .

ملعقة صغيرة ملح .

ملعقة صغيرة ريحان مجفف .

ملعقة صغيرة بهارات .

بيضة واحدة .

1 كوب لبن (حليب ).

زيت غزير للقلي .

طريقة العمل :

نجيب الفراخ ونرش عليها ملح و فلفل من الجانبين يعني نتبلها كويس بالملح والفلفل و نسيبها شوية علي جنب

بعد كده هنخلط البيضة مع اللبن ونسيبها علي جنب

 بعد كده هنجيب الدقيق ونحط عليه كل التوابل و نخلطهم كويس جداً

بعد كده هنجيب الفراخ وننزلها في الدقيق و نتاكد انها اتشربت كويس من خليط الدقيق مع التوابل ونسيبها لمدة 5 دقايق

بعد كده هنجيب الكورن فيلكس ونطحنه طحن و سط يعني مش ناعم أوي

ونحطه علي الدقيق المتبقي

بعد كده هناخد الفراخ وننزل بيها في البيض باللبن (الحليب)

بعد كده هننزل بالفراخ في خليط الدقيق مع الكورن فيلكس ونخلطها كويس جدا ونسيبها علي جنب تجف لمدة 5 دقايق  

بعد كده هنقليها في زيت غزير ناخد بالنا ان الزيت لازم يكون ساخن والنار تكون عالية 

نسوي كل جنب لمدة دقيقة بعد كده هنهدي النار ونسيبها حوالي 15 دقيقة لحد ماتستوي (لو عندك وقت كافي يفضل انك تحطيها في الفريزر لمدة 1/2 ساعة قبل ما تقليها )

وده هيكون الشكل النهائي لألذ طبق دجاج كنتاكي

جربوه هيعجبكم إن شاء الله و بالهنا والشفا