طريقة عمل بسكوت البوريو:

طريقة عمل بسكوت البوريو:

اليوم سنقوم بشرح طريقة عمل بسكوت البوريو والذى يعد من ألذ أنواع البسكوت يحبه الكبار والصغار ومكوناته سهلة و بسيطة جدا وطريقته  سهله .  الان ناتى الى المكونات

مكونات بسكوت البوريو:-

1 كوب زبدة

1 كوب سكر

1ملعقة صغيرة ملح

1 بيضة

1 ملعقة صغيرة فانيليا

2 كوب دقيق

1 كوب كاكاو خام (كاكاو مر)

نصف ملعقة صغيرة بيكينج بودر

مقادير كريمة الحشو:

نصف كوب زبدة

2كوب سكر بودرة

1ملعقة صغيرة فانيليا

ثم نمر بطريقة العمل :

هنحط كوب الزبدة مع كوب السكر مع ملعقة الملح ونخلطهم كويس جدا وبعدين هنحط البيضتين والفانيليا ونخلط كويس جدا بعد كده هنحط 2 كوب دقيق ومعاهم 1 كوب كاكاو خام (بدون سكر) ومعاهم نصف ملعقة صغيرة بيكينج بودر هننخلهم بمنخل سلك فوق الخليط وهنخلطهم كويس جدا بعد كده هيكون عندنا عجينة يابسة هنلفها في البلاستيك رول وهنسيبها ترتاح ساعة بعد كده  هنفردها بالنشابة و سمكها هيكون حوالي 1 سم بعد كده هنقطعها دواير بقطاعة أوأي حاجة مدورة (مثلا كاس أو كوب صغير) ونرصهم في صينية عليها ورقة زبدة ومدهونة بقليل من الزيت وندخلها في الفرن علي درجة حرارة 160 درجة وهتاخد حوالي 15 دقيقة في الفرن بعد ماتستوي وتخرج من الفرن نطلع البسكوت  بحرص ونرصه علي شبكة  لغاية مايبرد وينشف واثناء وهو بيبرد هنعمل كريمة الحشو

طريقة كريمة حشو البوريو:

هنحط نصف كوب الزبدة وعليه 2 كوب سكر بودرة مع 1 ملعقة صغيرة فانيليا و نخلط المكونات كويس جدا جدا

هنيجي بقي لمرحلة حشو البوريو ودي آخر مرحلة

هنجيب البسكوتة بعد مابردت وهنحط عليها كمية مناسبة من كريمة الحشو اللي عملناها وهنجيب بسكوتة تانية نحطها عليها بحيث تكون الكريمة في النص وهنساويها من الجوانب بحيث مايبقاش فيها زوايد
ملحوظة : الجزء اللي هنحط عليه حشوة الكريمة هيكون الجزء الاسفل للبسكوتة (قاعدة البسكوتة)
. و بكده نكون عملنا الذ بسكوت بوريو بمقادير سهلة وبسيطة و صحى من غير اى مواد حافظة