طريقة عمل الكريم كراميل

طريقة عمل الكريم كراميل

مكونات ومقادير الكريم كراميل :

كيلو لبن (حليب) .

5 بيضات .

3/4 كوب : 1 كوب سكر (حسب الرغبة) .

فانيليا

للكراميل

1 كوب سكر

الطريقة :

أول حاجة هنجهز الكراميل يعني هنجيب إناء ونحط فيه كوب السكر ونسيبه على نار هادية جداً لحد مايديني اللون الجميل بتاع الكراميل (ناخد بالنا علشان مايتحرقش لأن لو اتحرق أوزاد في التسوية ولونه بقى غامق جداًهيكون طعمه مر) 

بعد كده هنجيب اللبن (الحليب) الدافي ونحط عليه السكر ونقلبه كويس ، و بعد كده هنضيف البيض والفانيليا ونخلطهم مع بعض كويس جداً وطبعاً الكراميل هيكون اتعمل هنقسمه على القوالب وهنحط عليه الخليط

نيجي لمرحلة التسوية

هنرص القوالب في صينية فيها ماء (لا تتعدى نصف القالب) وندخلها فرن ساخن على درجة حرارة 180 درجة ونسيبها لحد ماتستوي واختبار التأكد من انتهاء التسوية بيكون زي الكيكة بسكينة رفيعة أو خلة

وبعد ماتستوي نخرجها من الفرن ونسيبها تبرد وبعد كده ندخلها في التلاجة لمدة ساعتين على الأقل

بعد كده هنحطها في طبق التقديم (علشان تتقلب معانا بسهولة ممكن نحط القالب في ماء ساخن لمدة دقيقة قبل ما نقلبه ) وبالهنا والشفا