طريقة عمل كيكة قدرة قادر

طريقة عمل كيكة قدرة قادر 

كيكة قدرة قادر هي نوع من أنواع الحلوي المميزة وتتكون من طبقتين هما طبقة الكريم كراميل وطبقة الكيك ( ممكن كيك شيكولاتة أوممكن كيك فانيليا ) وإن شاء الله هنقدم كيكة قدرة قادر (شيكولاتة)

المكونات والمقادير :

الكراميل :

1/2 كوب سكر .

الكريم كراميل :

3 بيضات .

فانيليا .

1 كوب سكر .

2 كوب لبن (حليب) .

1/4 كوب لبن (حليب) بودر ( اختياري ) .

مكونات ومقادير الكيكة :

2 بيضة .

فانيليا .

1/2 كوب سكر .

1/2 كوب زيت .

1/4 كوب كاكاو خام (كاكاو مر) .

1/2 كوب لبن (حليب) .

1/4 و1 كوب دقيق (طحين) .

بيكينج بودر .

طريقة عمل كيكة قدرة قادر :

أول حاجة هنعمل الكراميل : هنحط 1/2 كوب سكر في إناء علي نار هادية لحد مايبقي كراميل وناخد بالنا علشان مايتحرقش مننا ويبقي طعمه مر . وبعد مانعمل الكراميل هنحطه في القالب ونسيبه علي جنب نيجي بقي للكريم كراميل : هنجيب مكونات الكريم كراميل ونخلطهم مع بعض كويس . بعد كده هنصبه فوق الكراميل بحرص ( ممكن نستخدم مصفاة ).

بعد كده هنحضر الكيكة :

  هنخلط مكونات الكيكة خلط جيد بعد كده هنصبه فوق الكراميل . نيجي بقي لمرحلة التسوية . هنسوي كيكة قدرة قادر  في حمام ماء داخل الفرن .هنجيب صينية أكبر من القالب اللي فيه الكيكة ونحط فيها مية دافية  (لحد نصها بس علشان ماتوصلش للكيكة) ونحط القالب في الصينية وندخله في الفرن ( الساخن ) علي درجة حرارة 180 درجة . ومدة التسوية حوالي 50 دقيقة بعد ما تستوي ونخرجها من الفرن هنسيبها تبرد شوية وبعدين ندخلها في التلاجة 4 ساعات علي الأقل . بعد كده هنخرجها من التلاجة .وعلشان نقلبها هنجيب صينية فيها مية مغلية وننزل فيها قالب الكيك لمدة دقيقة علشان الكراميل يفك وتنزل معانا بسهولة .وأخيراً هنجيب طبق التقديم ونقلب فيه أحلي وألذ كيكة قدرة قادر و بالهنا والشفا