طريقة عمل الكسكسي

طريقة عمل الكسكسي

الكسكسي من الاكلات اللذيذة و المفيدة جداً للفرد حيث انه يحتوي علي مضادات اكسدة تقوم بحماية خلايا الجسم كما انه يحتوي ايضاً علي بروتينات وبوتاسيوم حيث انه يقوم بتنظيم ضغط الدم و تسهيل حركة العظام و المفاصل و تنظيم عمل القلب و حمايته من الامراض .

مكونات الكسكسي :

1 كيلو دقيق (طحين) .

1/2 و 1 كوب ماء .

ملعقة صغيرة ملح .

زبدة أو سمنة .

طريقة عمل الكسكسي .

أول حاجة هنحط الدقيق (الطحين ) في إناء و هنجيب المية ونقلب فيها الملح و نبدأ نرش من المية المملحة (بكميات قليلة جداً ) علي الدقيق (الطحين ) مع الفرك علشان الدقيق (الطحين )يتشرب المية أول بأول لحد مانخلص كمية المية كلها والدقيق (الطحين )طبعاً يتشربها  كلها و ده هياخد حوالي 20 دقيقة بعد كده هنجيب غربال أو منخل سلك ونقلبه ونحط الكسكسي علي ظهره ونحركه بايدينا حركة دائرية لحد ما الكمية تخلص   (و لو تبقي معانا جزء مخرز ممكن نفركه مع شوية دقيق (طحين ) حسب كميته وننزله برضه من الغربال أومن المنخل السلك . نيجي بقي لمرحلة التسوية (طبعاً الكسكسي بيستوي علي البخار) هنجيب حلة و نحط فيها مية لحد نصها بس ( بلاش نزود في المية علشان ما توصلش للكسكسي ويبوظ مننا ) و نحط فوق الحلة مصفاة ونحط الكسكسي في شاشة ونحطها في المصفاة ونحطهم علي نار متوسطة ونغطي الكسكسي كويس جداً وهنسيب الكسكسي يستوي حوالي 50 دقيقة بعد كده نشيله ونحطه في حلة ونحط عليه ملعقة كبيرة سمنة ونقلبه لحد مايبرد وبعدين نفركه تاني بنص كوب مية بنفس الطريقة اللي عملناها في الأول وننزلها تاني من الغربال أو المنخل السلك و بعد كده هنرجعها تاني علي النار علشان تكمل سواها وبعد ما يستوي الكسكسي نشيله من علي النار ونحط عليه زبدة أو سمنة ونقلبه كويس و ممكن ناكله مسكر بالطريقة المصرية هنرش عليه سكر بودر

 وممكن نعمله بطرق تانية لذيذة برضة علي سبيل المثال زي الطريقة المغربية وممكن نعمله كوجبة غداء

. وبالهنا والشفا .