سلطات

سلطات

سلطة الكول سلو بالزبادي

المكونات والمقادير

2 كوب زبادي  

2 كوب كرنب أبيض (ملفوف) مبشور أو مقطع خشن 

1 كوب جزر مبشور (الكمية حسب الرغبة)

1 ملعقة كبيرة خل

1 ملعقة كبيرة سكر

1/2 ملعقة صغيرة ملح

الطريقة

نقلب الكرنب (الملفوف) مع الجزر ونجيب إناء نحط فيه الخل و السكر و الملح ونخلطهم كويس جداً علشان السكر والملح يدوبوا بعد كده هنحط  الزبادي ونقلب لحد ما يختلطوا بعد كده ونقلب ننزل بالخليط علي الملفوف والجزر ونخلطهم مع بعض كويس . وبكده نكون عملنا سلطة الكول سلو وهندخلها التلاجة لوقت التقديم وبالهنا والشفا

سلطة خضار بالمايونيز

المكونات والمقادير

2 حبة بطاطس متوسطة الحجم (مقطعة مكعبات صغيرة ومسلوقة)

2 حبة جزر متوسطة الحجم (مقطعة مكعبات ومسلوقة)

1/2 كوب بسلة مسلوقة

1/2 كوب مايونيز

1 ملعقة كبيرة زبادي

1/2 ملعقة صغيرة توم مفروم ناعم

ملح (حسب الرغبة)

فلفل أسود (حسب الرغبة)

الطريقة

أول حاجة هنخلط الخضار مع بعضه ، بعد كده هنجيب إناء ونحط فيه المايونيز والزبادي والتوم المفروم والملح والفلفل ونخلطهم مع بعض كويس جداً وبعد كده هنحط الخضار مع الخليط ونقلب كويس جداً لحد ما يمتزجوا ( طبعاً هنقلب برفق وناخد بالنا واحنا بنقلب علشان الخضار مايتهريش لأنه مسلوق) . وبعد ماننتهي من عمل سلطة الخضار بالمايونيز نحطها في التلاجة لوقت التقديم وبالهنا والشفا

سلطة التبولة

المكونات والمقادير

1 بصلة متوسطة مقطعة قطع صغيرة

2 حبة خيار مقطع قطع صغيرة

3 حبة طماطم (بندورة) مقطعة قطع صغيرة

1 كوب برغل ناعم مغسول ومنقوع

بقدونس مقطع صغير جداً

ملح

فلفل

عصير ليمون (الكمية حسب الرغبة)

زيت زيتون

الطريقة

نخلط كل المكونات مع بعضها كويس جداً لحد ما يتجانسوا وبعد كده هنجيب طبق التقديم ونفرش فيه ورق خس ونحط عليه التبولة ونقدمه وبالهنا والشفا

سلطة البنجر (الشمندر)

المكونات والمقادير

3 حبات بنجر متوسطة الحجم (الكمية حسب الرغبة )

3 فصوص توم نقطعه صغير أو نفرمه

2 ملعقة خل

1/2 ليمونة معصورة

1 ملعقة زيت زيتون

ملح (حسب الرغبة)

فلفل (حسب الرغبة)

الطريقة

هنقشر البنجر و نقطعه مكعبات صغيرة ونسلقه بعد كده هنخلط كل المكونات مع بعضها وبعد مايتجانسوا هنحط عليهم البنجر المسلوق ونقلب كويس علشان البنجر يشرب من التتبيلة كويس بعد كده هنحط السلطة في طبق التقديم وبالهنا والشفا