طريقة عمل السينابون

طريقة عمل السينابون

السينابون من المخبوزات اللذيذة و المحبوبة للجميع كبار وصغار لكن المشكلة إن تمنها غالي علشان كده هنعملها بنفسنا في البيت إن شاء الله بطريقة سهلة وناجحة بإذن الله

مكونات ومقادير السينابون

عجينة السينابون

4 : 1/2 4 كوب دقيق (طحين)

2 بيضة بدرجة حرارة المطبخ

1 ملعقة كبيرة خميرة جافة ( ولوهنستعمل خميرة بيرة يبقى هناخد قطعة في حجم عين الجمل )

1/2 كوب سكر أبيض

3/4 كوب لبن (حليب) دافي

1/3 كوب زبدة سايحة

1 ملعقة صغيرة ملح

1 ملعقة صغيرة فانيليا

حشوة السينابون

3/4 كوب سكر بني

2 ملعقة كبيرة قرفة

1/4 كوب زبدة بدرجة حرارة المطبخ

صوص السينابون

1 كوب سكر بودر

1/2 كوب زبدة بدرجة حرارة المطبخ

1/4 كوب جبن كريمي

1 ملعقة صغيرة فانيليا

ذرة ملح

طريقة الصوص

نخلط كل المكونات مع بعضها

طريقة عمل السينابون

أول حاجة ندوب الخميرة في نص كوب لبن (حليب) دافي أو في ماء دافي مع ملعقة سكر ونسيبها على جنب لمدة 5 دقائق بعد كده هنضرب المكونات السائلة مع بعضها (البيض و الزبدة و اللبن (الحليب) كويس جداً و بعد كده هنحط السكر ونخلط كويس وبعدين الخميرة اللي دوبناها وآخر حاجة هنحط الدقيق (الطحين) ونعجن العجينة كويس وبعد كده هنغطيها ونسيبها تخمر (يتضاعف حجمها ) في مكان دافئ من 1/2 ساعة : ساعة حسب درجة حرارة الجو و بعد كده هنحضر حشوة السينابون (هنخلط السكر البني مع القرفة خلط يدوي بمعلقة عادية ) وبعد ما العجين يخمر هنفرد العجينة بحيث تكون رقيقة لاتتعدي 1/2 سم (العجينة هنفردها على شكل مستطيل إن أمكن) بعد ما نفردها و توصل للسمك المطلوب هندهن العجينة المفرودة بالزبدة و نرش عليها بالتساوي السكر البني والقرفة اللي خلطناهم مع بعض (نرش كمية مناسبة تغطي سطح العجينة) بعد كده نلف العجينة رول (نبرمها) بحرص شديد ، بعد كده هنقطع العجينة قطع صغيرة متساوية بعد ما نخلص تقطيع نرص السينابون في الصينية

 ونسيبها كمان 1/2 ساعة علشان تخمر تاني بعد كده ندخلها الفرن (ساخن) على درجة حرارة 180 درجة حوالي 20 : 30 دقيقة ونخرجها بعد ما تاخد اللون الدهبي هنخرجها من الفرن ونحط عليها الصوص ونحطها في طبق التقديم ونقدمها ساخنة وبالهنا والشفا

السينابون , طريقة عمل السينابون, افضل طريقة لعمل السينابون , cinnabon