طريقة عمل الفطير الدمياطي بالكريمة و المكسرات

طريقة عمل الفطير الدمياطي بالكريمة و المكسرات 

الفطير الدمياطي بالكريمة والمكسرات نوع مميز من أنواع الفطائر .طعمه لذيذ جداً وسهل التحضير .

المكونات و المقادير :

كيلو دقيق (طحين) .

كوب زبدة أو سمنة .

2 كوب ماء دافئ .

1/4 كوب زيت .

1 ملعقة كبيرة سكر (مش مليانة) .

ذرة ملح .

قشطة حسب الرغبة (اختياري) .

مكونات ومقادير الكريمة (المهلبية) :

3 كوب لبن (حليب) .

4 ملاعق كبيرة نشا .

3 ملاعق كبيرة سكر .

كيس فانيليا .

طريقة عمل الكريمة (المهلبية) :

هحط كل المكونات مع بعضها واخلطها مع بعضها كويس وبعدين احطها علي نار هادية واستمر في التقليب لحد ماتوصل للقوام المطلوب .ارفعها من علي النار واسيبها تبرد .

لتزيين الفطيرة :

سكر بودر .

جوز هند .

مكسرات حسب الرغبة .

طريقة عمل الفطير الدمياطي .

هنجيب إناء ونحط فيه الدقيق (الطحين) و ذرة الملح والسكر والزيت والمية ونعجن كويس لحد ماتبقي العجينة متماسكة وطرية وهتكون مدة العجن حوال 10:5 دقائق بعد كده هنسيب العجينة ترتاح 1/2 ساعة بعد كده هنقسم العجينة إلي كور هيطلعوا حوالي 8 كور هنبدأ نفرد أول واحدة (طبعاًهندهن تحتها زيت علشان ماتلزقش واحنا بنفردها ) ونحاول نفردها كويس علشان تبقي رقيقة جداً بعد كده هندهنها زبدة أوسمنة (وقشطة لو حبينا) بعد كده هنحط حشوة المهلبية (طبعاً هتكون بردت ) ونقفل الفطيرة من كل الجوانب وطبعاً هندهن كل طرف بالزبدة أو السمنة قبل مانطبقه بعد كده هنفرد فطيرة تانية برضه لحد ماتبقي رقيقة بعد مانفردها هندهنها وبعد كده هنحط عليها الفطيرة المحشية مهلبية ونقفلها عليها وماننساش ندهن الأطراف بالزبدة أو السمنة قبل ما نطبقها بعد كده هنساويها كويس وندهن الوش برضه وش الفطيرة بعد كده هنحطها في صينية مدهونة بمادة دهنية وندخلها فرن ساخن علي درجة حرارة 180 درجة ونسيبها لحد ماتستوي وتاخد لون (طبعاً هنكمل الباقي بنفس الطريقة) وبعد ماتخرج علي طول نسقيها 1/2 كوب لبن (حليب) بارد ونرش عليها السكرالبودر وجوزالهند  والمكسرات وبالهنا والشفا