أفضل طريقة لعمل تورتة هشة بثلاث بيضات فقط
دلوقتي تقدري تعملي أحلي تورتاية بمقادير بسيطة ومجهود أبسط . تعالوا معايا نشوف
المقادير:- - كوب وربع سكر - كوب حليب دافئ - كوب كاكاو خام (كاكاو مر) - كوب زيت - ملعقة صغيرة نسكافيه - ملعقة صغيرة فانيليا - 3 بيضات بدرجة حرارة الغرفة
- رشة ملح
- ملعقة صغيرة خل
- 2 كوب دقيق (طحين)
- ملعقة كبيرة بيكنج بودر
طريقة العمل :)
نخلط في الخلاط العادي السكر مع الحليب الدافئ خلط جيد حتي يذوب السكر ثم نضيف الكاكاو والزيت والنسكافيه والفانيليا ونخلط خلط جيد حتي تمتزج المكونات ثم نأخذ منها مقدار كوب للتزيين ونضع هذا الكوب في الثلاجة أما باقي المزيج نضيف اليه البيض (بدرجة حرارة الغرفة) و رشة ملح و ملعقة الخل الابيض ونخلط جيدا بمضرب سلك أومضرب عادي أوفي الخلاط وأخيرا نضيف الدقيق والبيكنج بودرونقلب بهدوء من تحت لفوق حتي يصبح الخليط متوسط القوام ثم نسكب الخليط في صينية مقاس 28 (مدهونة بمادة دهنية وعليها رشة دقيق أو صينية عليها ورقة زبدة ومدهونة زيت) ونوزع الكيكة في الصينية بالتساوي ثم ندخلها في فرن حامي مسبقا علي درجة حرارة 180 درجة مدة 30 دقيقة تقريبا 0 (ملحوظة أوعي تفتحي الفرن قبل تلت ساعة من التسوية) وبعد التسوية نسيبها تبرد كويس وبعدين نقلبها (يعني قاعدة الكيكة هي اللي هتبقي فوق علشان تكون متساوية )وبعد كده ندخل في مرحلة التزييييييييييين أول حاجة هنقطع أطراف الكيكة ونساويها وبعد كده نقسم الكيكة 3 أجزاء ونسقي كل جزء باللبن وبين كل جزء وجزء حشوة الكريم شانتي بالشيكولاتة(2كوب حليب بارد أو ماء بارد مع 2علبة كريم شانتي بنكهة الشيكولاتة ولو مفيش بنكهة الشيكولاتة ممكن بالفانيلياوتخلطي معاهم ملعقتين كاكاو خام هيدي نفس النتيجة إن شاء الله) 0 ونخلطهم بالمضرب الكهربي وبعدين هنجيب الطبقة الاولي ونسقيها باللبن وبعدين نحط جزء من الكريم شانتي ونفردها ونحط عليها الطبقة التانية ونسقيها باللبن ربعدين الكريم شانتي وبعدين نحط الطبقة التالتة ونسقيها باللبن ونكمل باقي كمية الكريم شانتي وآخر حاجة هنحط صلصة الشيكولاتة اللي كنا حطينها في التلاجة وممكن تزينيها بالشيكولاتة والمكسرات أو وردات كريم شانتي فانيليا وبالهنا والشفا . وبكده نكون خلصنا الشرح انتظرونا فى وصفة اخرى
0 التعليقات:
إرسال تعليق