طريقة عمل فطيرة السبانخ

وهي نوع من أنواع الفطائر اللذيذة والمفيدة أيضاً وذلك لأن السبانخ تحتوي على عناصر مهمة للجسم ، منها على سبيل المثال وليس الحصر أنها تحتوي علي معادن كثيرة مثل الحديد والكالسيوم والفسفور والبوتاسيوم وغيرهم ، كما انها تحتوي على فيتامينات مثل ب6 و فيتامين سي ومن فوائد السبانخ : انها تقي من السرطان ، كما انها مفيدة للأوعية الدموية وتقي من أمراض القلب وتصلب الشرايين وتقي من هشاشة العظام

مكونات ومقادير فطيرة السبانخ :

1/2 كيلو سبانخ ننضفها ونقطعها قطع صغيرة (وممكن نستخدم كيس سبانخ مجمد)

2 بصلة متوسطة الحجم (نقطعها قطع صغيرة)

3 فصوص توم

زيت زيتون

1/2 ليمونة

ملح

فلفل

زعتر

جبنة مبشورة رومي أو موتزريللا حسب الرغبة (ممكن نستغني عنها)

مكونات العجينة :

1/2 كيلو دقيق (طحين)

1 ملعقة خميرة

1 ملعقة سكر

رشة ملح

3 ملاعق زيت

ماء دافئ للعجن

طريقة العمل :

أول حاجة هنبدأ نجهز العجينة هنحط مكوناتها على بعض ونعجن كويس لمدة 7 : 10 دقائق تقريباً ، بعد كده هندهن العجينة والوعاء بالزيت ونسيب العجينة تخمر ونغطيها كويس

بعد كده هنجيب طاسة ونحط فيها زيت زيتون ونشوح البصل هندبله بس يعني لونه يصفر وننزل بالتوم المفروم ونقلب بعد كده هننزل بالسبانخ ونقلب وبعد كده هنحط الملح والفلفل الأسود والزعتر والليمون ونقلب (كل ده على نار هادية ) بعد كده هنرفعه من على النار ونسيبه على جنب للحشو ، وبعد ما العجينة تخمر هنبدأ نقطعها ونشكلها علشان نحشيها ، وطبعاً التشكيل حسب الرغبة ممكن مثلاً نفرد العجينة على هيئة دواير صغيرة ونحشيها بحشوة السبانخ ونقفلها زي القطايف وممكن نفرد العجينة دواير بحجم البيتزا المتوسطة ونحط الحشوة على طرفها ونبرم العجينة و نلفها زي الكعكة