طرقة عمل الشيكولاتة الجيرسي بالمنزل

طرقة عمل الشيكولاتة الجيرسي بالمنزل 

الشيكولاتة الجيرسي نوع من أنواع الحلوي اللذيذة التي يحبها الأطفال والكبار ومكوناتها بسيطة وطريقة عملها سهلة جداً

مكونات ومقادير الشيكولاتة الجيرسي :

3 كوب جوز هند .

1 كوب لب (حليب) مكثف .

شيكولاتة .

مكونات ومقادير اللبن (الحليب) المكثف :

1 كوب لبن بودرة .

1/4 كوب ماء .

3/4 كوب سكر بودر .

1 ملعقة زبدة .

طريقة عمل الشيكولاتة الجيرسي :

هنبدأ الأول بتحضير اللبن المكثف .هنجيب الخلاط ونحط فيه مكونات اللبن (الحليب) المكثف . اللبن البودرة والمية والسكر البودر والزبدة ونخلطهم كويس جداً بعد كده هنجيب جوز الهند ونحط عليه اللبن المكثف ونقلبهم مع بعض كويس جداً لحد مايختلطوا ويبقي الخليط زي العجينة سهلة التشكيل بعد كده هنبدأ نشكل خليط جوز الهند باللبن (الحليب) المكثف هنشكلها مثلا علي شكل أصابع علشان تبقي شكل الجيرسي اللي بيتباع  بعد كده نحطها في التلاجة لحد مانسيح الشيكولاتة في حمام مائي وطريقة تسييح الشيكولاتة علي حمام مائي هي : هنجيب اناء ونحط فيه مية ونحطة علي نار هادية ونحط فوقه اناء تاني ونحط فيه الشيكولاتة  مع قليل من مادة دهنية لاكسابها لمعة ونسيبها تسيح في حمام مائي علي نار هادية ولما تسيح هنشيلها علي جنب ونسيبها تبرد شوية . بعد كده هنخرج أصابع جوز الهند المشكلة بعد خلطها باللبن (الحليب) المكثف وننزل بيها في الشيكولاتة ونغلفها كويس بالشيكولاتة ونرصها علي صينية مفروش عليها ورقة زبدة وندخلها التلاجة  ونسيبها لحد ماالشيكولاتة تجف وبعد ماتجف ناخد بالنا علشان ممكن تكون القطعة فيها زوايد جانبية . نشيلها ونساويها علشان يكون شكلها جميل وممكن نزينها من علي الوش  بشيكولاتة بيضا أوغامقة  يعني ننزل عليها خطوط رفيعة جداّ بشكل جميل (بقمع صغير جداً أو شوكة أو قرطاس صغير ورفيع جداً ونشكل ) ونحطه في التلاجة تاني لحد ماشيكولاتة التزيين اللي علي وشها تجف ودلوقتي بعد ما انتهينا من عمل الشيكولاتة الجيرسي هنرصها في طبق التقديم ونقدم أحلي شيكولاتة جيرسي خالية من المواد الحافظة وبالهنا والشفا .