طريقة عمل الاكلير (عجينة الشو)

طريقة عمل الاكلير (عجينة الشو)

الاكلير (عجينة الشو) نوع من أنواع المعجنات اللذيذة التي يحبها الصغار والكبار . وإليكم شرح تفصيلي لطريقة عمل عجينة الشو .

مكونات ومقادير عجينة الشو

1 كوب دقيق (طحين)

1 كوب ماء

2 ملعقة كبيرة زبدة

4 بيضات

1 ملعقة صغيرة فانيليا

ذرة ملح

الطريقة

أول حاجة هنحط الماء والزبدة في إناء على النار ونسيبهم لحد ما الماء يغلي و بعد ما الماء يغلي هنحط الدقيق (الطحين) كله مر واحدة ونحط ذرة الملح ونقلب 2:1 دقيقة وهتكون العجينة لمت ، هنشيلها من علي النار ونقلبها كويس ونسيبها تبرد ، وبعد ما العجينة تبرد هنحط البيض بيضة بيضة مش كله مرة واحدة وبعد كل بيضة نحطها نقلب كويس جداً علشان العجينة تتشربها بعد كده هنحط الفانيليا ونقلب ونجيب كيس حلواني ونحط فيه العجينة ونجيب صينية الفرن وندهنها مادة دهنية أو نحط فيها مادة دهنية وندهنها بقليل من الزيت ، وبعدين بكيس الحلواني هنعمل وحدات الاكلير في صينية الفرن ونراعي أن وحدات الاكلير تكون بعيدة عن بعضها بعد كده هندخل الصينية في فرن ساخن على درجة حرارة عالية لمدة 10 :15 دقيقة بعد كده نهدي النار ونسيبها تكمل تسوية وتاخد لون ، وبعد ما تستوي نخرجها من الفرن ونسيبها تبرد ونحضر الحشوة ، ممكن نحشيها كريم شانتيه أو صوص شيكولاتة أو كريم باستري

مكونات ومقادير الحشوة (كريم باستري)

2 ملعقة زبدة (يفضل صفرا)

2 ملعقة كبيرة نشا

1/2 كوب سكر

4 صفار بيض

1 ملعقة صغيرة فانيليا

2 : 3 كوب لبن (حليب)

الطريقة

نخلط صفار البيض مع الفانيليا والسكر والنشا مع بعض كويس جداً وبعد كده نسخن اللبن ونصبه على الخليط برفق مع التقليب المستمر لحد ما نخلص كمية اللبن بعد كده هنحط الخليط على النار ونقلب تقليب مستمر لحد ما نوصل للقوام المطلوب ( قوام سميك) بعد كده هنضيف الزبدة ونقلب بعد كده هنشيلها من على النار ونغطيها لحد ماتبرد ونكون هنبدأ نستخدمها في الحشوعلشان مش عايزينها تكون طبقة .

آخر حاجة الحشو ، هنفتح الاكلير (زي الساندويتش) ونحشيه بالكريم باستري (هنستخدم في الحشو كيس حلواني ولو مش متوفر نستخدم ملعقة صغيرة) بعد كده هنجملها بصوص الشيكولاته ونحطه في طبق التقديم وبالهنا والشفا